Archiv

Wia a Gfühl

Es is manchmoi a richtiges i woas ned, i fühl hod manchmoi nur Traurigkeit, aber wer kennt des ned.

Manchmoi stell i mir vor unser Leben is vorbestimmt, bis ins kleinste Detail irgendwo aufgschriem und mir leben einfach nach dem Buch, das vielleicht hoaßt: wos woas i z. B.  "Max Mustermanns leben im Chaos". Und später wenn mir tot san dann gehst wo hi wo du dei Lebensgschichte .... 1 zu 1 nochlesen konnst und koa Moment fehlt wos du gmacht host. Ob´st aufn Klo oder oder im Auto sitzt alles konnst nochlesen.

Aber manchmoi denkst a das jemand über uns sitzt und mit uns spuit wia mit Schachfiguren. Zug um Zug.

Tja, i wos a ned vielleicht liegt des ois dro das i zur Zeit a richtige Depri-Phase hob, dass i so guad philosophieren kann.

 

1 Kommentar 20.9.07 16:27, kommentieren

Vielleicht kennts ihr a des Gfühl!!

Neulich bin i mim Radl von da Schui hoam gfahrn und bin hoid grod an Berg aufe gfahrn (a bissl steil) und hob natürlich gschwitzt und gschnauft wia a Walross und im Gsicht hob i ausgschaugt ob i 5 Std zlang in da Sun gflagt war aber natürlich bin i des ned sondern  mia war so hoaß.

Des war ja no ned so schlimm gwen, aber dann kimmt jemand aus meiner Klass und fahrt so locker lässig mit an Affenzahn nema mi hi und sogt so ganz unangestrengt "Servus, und wia gehts da so? Wia lafts im Praktikum?" Und i fahr danem und schnauf, schnauf und schnauf, hob natürlich so do als ob es mir nie besser ganga war. Es war so peinlich des konn i gor ned song. I hätt an Boden versinken kinna und des war no zu wenig gwen. Fahrt der do aufa und vergießt keinen Tropfen an Schwoaß und mia laft d`Soß oba als ob es grod in Strömen renga dad.

So mega peinlich. :-9 Aber wenn is des scho ned passiert. Richtig scheiße.

Aber mei, werst nichts dagegn macha kinna.

Habts ihr a scho solche Erfahrungen gmacht? Bestimmt, vielleicht sagt ihr des is ja harmlos. Aber mei.

Danke fürs lesen.

3 Kommentare 21.9.07 15:00, kommentieren

Gestern war ein richtiger scheiß Tag!

Mein absolutes Tief war wirklich gestern. I woas a ned vielleicht liegt wirklich ois an der Schui, aber des glab i dann a ned. Mir gfoids ja eigentlich ganz guad, vorallem des Praktikum, aber der Unterricht is einfach nur so unpersönlich. Mi regt des "Sie" so auf, warum kenna de ned einfach "du" song, is doch schena. Und mei naxts Problem is wirklich mei Bruder, aber mei, gegen den konn i nichts macha.

Hob gestern wirklich 1Std und 15 Min gwoant, hob ausgschaugt wia no wos. :-9 Aber es hat so richtig guad do, woana is so wos schens wenns oan richtig scheiße geht. Und wennst no jemanden host der di an Arm nimmt; z.B. a Freindin, bei mir wars d`Mama, des duad richtig guad.

Machts des losts eichan Frust raus, es bringt nix wennts es nur immer obeschluckts.

Lg

1 Kommentar 22.9.07 12:17, kommentieren

Naxte Woch!!

Des hat wirklich guad getan mit da Mama redn. Weil ich bin wieder volkommen heraus aus meinem Tief. :-)

Naxte Woch ham wir Wanderdog, aber eigentlich hob i gor koan Bock drauf. Mir gehn an Tegernsee, machen wir schon de letzen 2 Jahre, und dann gehn ma ins Bräustüberl, aber dringa derf ma sowieso nix. I hob wirklich überhaupt koan Bock. Hob ma scho überlegt ob i ned einfach oan auf Krank mach, aber des kimmt ned guad, weil dann woas jeda das du in wirklichkeit go koa Lust host. Aiso gehn ma hi ob ma wuin oda ned. I find des richtig scheiße, do unsa Klass eigentlich ins Deutsche Museum geh wuidad, aber anscheinend ko draus wegen irgendeinen Grund nix wern.

*** die Wand an.

Servus

1 Kommentar 23.9.07 13:41, kommentieren

Is ja doch ned so schlimm

I hob ja etz wieder Praktikum und de Woch hob i gmoant de werd richtig sch**, aber so schlimm is bis jetzt gor ned, es macht no ois spaß wos ma macha, also no is de Woch sau geil.

Vorallem is des Wedda heind wieder gigantisch, so sche. Und Bladdl wern a scho a bissl orange es is ois voi romantisch, obwohl ich eigentlich kein Romantiker bin find i des so. Ab moing solls wieder so richtig schiach wern, d. h. Regen und sau koid. RICHTIG SCHE :-( !!

Also dann ................. noch an schena Tag.

Des Buidl obn is mei Lieblingskalb im Stoi zur Zeit.

LG

Merlin

1 Kommentar 24.9.07 17:31, kommentieren

28.9.07 14:43, kommentieren

Gestern war Wandertag

Es war eigentlich ganz sche.

In da Friah ham ma uns so um 8:30 Uhr am Bahnhof am See troffen und san von dort aus über einen Wanderweg zum Bräustüberl, dort hab i a Hells drunga und an Wurschtsalod gessen, dann sam ma wieder hoam.

Unser Tisch war erst für 11 Uhr reseviert aba mir wan scho um 10:30 Uhr do, weil ma z schnäi gwandat san, deshalb hod da Lehra imma gsogt das ma langsama geh suin, san ma aber ned. War wirkli ganz sche.

Lg.

Und auf de Frog warum Merlin, mei Nachbarin sogt des immer zu mir, kinnts ja amoi auf Über... geh, oben beim Seitenmenü.

28.9.07 14:53, kommentieren

Werbung